Sandra Bullock og Jesse James
Bullock giftist mótorhjólasmiðnum Jesse James árið 2005. Í mars árið 2010 hélt Michelle "Bombshell“ McGee því fram að þau James hefðu átt í ástarsambandi og í kjölfarið stigu fleiri konur fram. Hinn 18. mars sendi James frá sér tilkynningu þar sem hann staðfestir orðróminn og biður Bullock afsökunar. Bullock sótti um skilnað í apríl sama ár.
nordicphotos/getty
Tímaritið US Weekly ljóstraði upp um framhjáhald Kristen Stewart og leikstjórans Ruperts Sanders í síðustu viku. Fréttirnar komu mörgum í opna skjöldu enda var Stewart í sambandi með Robert Pattinson og Sanders kvæntur og tveggja barna faðir.
Fleiri Hollywood-stjörnur hafa þó orðið fyrir því að misstíga sig svo opinberlega og í kjölfarið orðið fyrir álitshnekki. Við tókum saman átta önnur fræg framhjáhöld sem hægt er að skoða með því að smella á myndina og fletta myndasafninu.
