Stóra förðunarmálið Erla Hlynsdóttir skrifar 12. maí 2012 08:00 Mér var hugföst í morgun stórfréttin af konunni sem var ómáluð á almannafæri, og skellti á mig smá maskara áður en ég fór með barnið á leikskólann. Til þess auðvitað að misbjóða ekki starfsfólki leikskólans. Og hinum foreldrunum. Og börnunum! Þessar fréttir dúkka alltaf upp reglulega: „Kona var ótilhöfð innan um annað fólk" og „Kona fór út úr húsi án þess að ráðfæra sig við stílista". Nýjasta „hneykslið" í bandarískum stjórnmálum er sú staðreynd að Hillary Clinton, sem var í opinberum erindagjörðum á Indlandi sem utanríkisráðherra, fór í sjónvarpsviðtöl án þess að mála sig. Þannig hljóma fyrirsagnirnar en Hillary var reyndar með varalit. Það er samt aukaatriði. Hún var ekki með meik, hún var ekki með kinnalit og hún var ekki með maskara. Hún var „au naturel", eins og sagt var í fjölmiðlum. Virtir miðlar á borð við CNN og Washington Post hafa fjallað um málið. Já, þessir miðlar fjölluðu um förðunarleysi Hillary. Hún hirti ekki einu sinni um að vera með sjónlinsur þennan dag. Hún sleppti því meira að segja að setja hárið upp. Sumum fannst Hillary þarna sýna sérstakt hugrekki. Sumum fannst hún bara líta ansi vel út. Þessir sumir litu á þetta sem yfirlýsingu um að Hillary leggi meiri áherslu á að vinna vinnuna sína en að setja á sig maskara. Aðrir (sem vinna hjá miðlum sem gefa lítið fyrir demókrata) skrifuðu fréttir um að Hillary hlyti einfaldlega að hafa gleymt að mála sig og að hún væri einstaklega þreytuleg. Eflaust myndi skapast hættuástand í íslensku samfélagi ef Jóhanna Sigurðardóttir eða Sóley Tómasdóttir myndu mæta ómálaðar í viðtal. Þegar CNN spurði Hillary um þetta mikilvæga mál, sagði hún: „Mér er svo létt að vera á þessum stað í lífinu. Ef mig langar að vera með gleraugu, þá set ég upp gleraugu. Ef mig langar að setja hárið upp, þá geri ég það. Stundum eru þetta hlutir sem ekki þarf að eyða í tíma og vinnu. Vilji aðrir hafa áhyggjur af þessu, þá ætla ég að leyfa þeim, til tilbreytingar, að hafa áhyggjur." (Auðvitað passaði ég upp á að vera máluð á myndinni sem hér fylgir.) Viltu birta grein á Vísi? Sendu okkur póst. Senda grein Erla Hlynsdóttir Mest lesið Þar sem gervigreind er raunverulega að breyta öllu Björgmundur Örn Guðmundsson Skoðun Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Íslenskir flóttamenn - í okkar eigin landi Gunnar Magnús Diego Skoðun Slæm innivist skerðir afköst og hækkar kostnað Ingibjörg Magnúsdóttir Skoðun Magga Stína! Helga Völundardóttir Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun
Mér var hugföst í morgun stórfréttin af konunni sem var ómáluð á almannafæri, og skellti á mig smá maskara áður en ég fór með barnið á leikskólann. Til þess auðvitað að misbjóða ekki starfsfólki leikskólans. Og hinum foreldrunum. Og börnunum! Þessar fréttir dúkka alltaf upp reglulega: „Kona var ótilhöfð innan um annað fólk" og „Kona fór út úr húsi án þess að ráðfæra sig við stílista". Nýjasta „hneykslið" í bandarískum stjórnmálum er sú staðreynd að Hillary Clinton, sem var í opinberum erindagjörðum á Indlandi sem utanríkisráðherra, fór í sjónvarpsviðtöl án þess að mála sig. Þannig hljóma fyrirsagnirnar en Hillary var reyndar með varalit. Það er samt aukaatriði. Hún var ekki með meik, hún var ekki með kinnalit og hún var ekki með maskara. Hún var „au naturel", eins og sagt var í fjölmiðlum. Virtir miðlar á borð við CNN og Washington Post hafa fjallað um málið. Já, þessir miðlar fjölluðu um förðunarleysi Hillary. Hún hirti ekki einu sinni um að vera með sjónlinsur þennan dag. Hún sleppti því meira að segja að setja hárið upp. Sumum fannst Hillary þarna sýna sérstakt hugrekki. Sumum fannst hún bara líta ansi vel út. Þessir sumir litu á þetta sem yfirlýsingu um að Hillary leggi meiri áherslu á að vinna vinnuna sína en að setja á sig maskara. Aðrir (sem vinna hjá miðlum sem gefa lítið fyrir demókrata) skrifuðu fréttir um að Hillary hlyti einfaldlega að hafa gleymt að mála sig og að hún væri einstaklega þreytuleg. Eflaust myndi skapast hættuástand í íslensku samfélagi ef Jóhanna Sigurðardóttir eða Sóley Tómasdóttir myndu mæta ómálaðar í viðtal. Þegar CNN spurði Hillary um þetta mikilvæga mál, sagði hún: „Mér er svo létt að vera á þessum stað í lífinu. Ef mig langar að vera með gleraugu, þá set ég upp gleraugu. Ef mig langar að setja hárið upp, þá geri ég það. Stundum eru þetta hlutir sem ekki þarf að eyða í tíma og vinnu. Vilji aðrir hafa áhyggjur af þessu, þá ætla ég að leyfa þeim, til tilbreytingar, að hafa áhyggjur." (Auðvitað passaði ég upp á að vera máluð á myndinni sem hér fylgir.)
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun