Stuðningsgrein: Bréf til kjör­manna Þjóð­kirkjunnar frá stuðnings­mönnum séra Arnar Bárðar Jóns­sonar til kjörs biskups Ís­lands

Fyrir höndum er kjör biskups Íslands. Í fyrsta skipti eru leikmenn meirihluti kjörmanna. Það ber vitni um endurnýjun kirkjunnar og ný viðhorf. Séra Örn Bárður Jónsson, sóknarprestur í Neskirkju, gefur kost á sér til biskups. Í bréfi sínu til kjörmanna gerði hann grein fyrir sýn sinni á þjóðkirkjunni og embætti biskups. Sagði hann hlutverk biskups að vaka yfir kirkjunni sem fremstur meðal jafningja. Biskup ætti að þjóna, vera kennimaður kennimanna sem boða söfnuðum og þjóðinni allri kristna von og kristna trú, nálægur almenningi og meðal fólksins — andlegur leiðtogi sem jafnframt sinnir veraldlegum verkefnum.

Í bréfi sínu til kjörmanna segist séra Örn Bárður eiga sér draum, draum um kirkju sem lætur sig varða börn og unglinga, unga foreldra, hjón og sambúðarfólk, aldraða, sjúka, fatlaða og alla sem standa höllum fæti í lífinu, kirkju sem lætur sig varða þjóðfélagsmál, hann ætti sér draum um frjálsa kirkju sem sættir menn, kirkju sem ávallt er í endurnýjun og nýtir færar leiðir til að koma fagnaðarerindinu og friðarboðskap Krists til skila. Séra Örn Bárður hefur ítrekað sýnt að hann hefur kjark til að mæla gegn misbeitingu valds, bæði innan kirkju og utan.

Undirritaðir leikmenn og prestar í þjóðkirkjunni vilja hér með mæla með kjöri séra Arnar Bárðar Jónssonar til biskups. Í bréfi sínu til kjörmanna gerði hann grein fyrir sýn sinni á þjóðkirkjunni og embætti biskups. Sagði hann hlutverk biskups að vaka yfir kirkjunni sem fremstur meðal jafningja. Biskup ætti að þjóna, vera kennimaður kennimanna sem boða söfnuðum og þjóðinni allri kristna von og kristna trú, nálægur almenningi og meðal fólksins — andlegur leiðtogi sem jafnframt sinnir veraldlegum verkefnum.

Trúverðugleiki séra Arnar Bárðar Jónssonar í augum okkar er óumdeildur. Á dögum græðgi og valdhroka tók hann sér stöðu með sannleika, hógværð og réttlæti í prédikunum sínum og skrifum. Langt og farsælt starf hans í kirkjunni gerir séra Örn Bárð kjörinn til að gegna embætti biskups sem í senn þjónar Guði og leiðir íslensku þjóðkirkjuna til móts við framtíð í endurreistu landi.

Einar Benediktsson

fv. sendiherra

Guðmunda Kristjánsdóttir

formaður sóknarnefndar í Grindavík

Kogga, Kolbrún Björgólfsdóttir

keramiker

Magnús Erlingsson

sóknarprestur á Ísafirði

Sif Vígþórsdóttir

skólastjóri Norðlingaskóla

Svanur Kristjánsson

prófessor við HÍ

Erla Guðmundsdóttir

prestur í Keflavík

Helgi Ágústsson

fv. sendiherra

Kristinn Ólason

dr. theol. kennari við HÍ

Oddrún Kristjánsdóttir

umhverfisfræðingur

Sigfús Kristjánsson

prestur Hjallakirkju

Tryggvi Gíslason

fv. skólameistari MA

Vigfús Bjarni Albertsson

sjúkrahússprestur

Gísli Tryggvason

talsmaður neytenda

Katrín Pálsdóttir

háskólakennari, fv. fréttamaður

Lára V. Júlíusdóttir

hæstaréttarlögmaður

Óli Þ. Guðbjartsson

fv. skólastjóri og ráðherra

Stefán Einar Stefánsson

formaður VR

Valgerður Gunnarsdóttir

skólameistari Laugum