Enn betri Avensis

Toyota Avensis er að koma út í nýrri og endurbættri útgáfu. „Þetta er kannski ekki alveg ný kynslóð af Avensis en hann er talsvert breyttur,“ segir Páll Þorsteinsson, upplýsingafulltrúi Toyota, og nefnir endurbætta fjöðrun og stýrisbúnað, aukna hljóðeinangrun og endurhönnun á sætum og mælaborði.

Hann segir útlitsbreytingar hafa verið gerðar, sérstaklega framan á bílnum og setji ný ljós sterkan svip á hann. „Dísilvélin er líka umhverfisvænni en áður, án þess að fórna krafti, þar sem dregið hefur verið úr útblæstri koltvísýrings.“

Páll segir Toyota Avensis vinsælan fjölskyldubíl, enda sé hann rúmgóður, þægilegur og sprækur.