Hugrakkur stuðningsmaður Celtic

Það er oftar en ekki reynt að skilja stuðningsmenn liða knattspyrnuliða að. Annars gæti fjandinn verið laus. Einn stuðningsmaður Celtic á leik liðsins gegn Benfica var þó alls óhræddur.

Hann hafði greinilega fengið miða með stuðningsmönnum heimaliðsins en hann lét það ekki á sig fá heldur mætti í fullum skrúða merktum Celtic.

Einn síns liðs veifaði hann Celtic fánanum innan um þúsundir stuðningsmanna Benfica.

Eftir því sem næst verður komist er þessi hugrakki stuðningsmaður heill á húfi.