Keflvískir veiðimenn stíga villibráðardans

Liðsmenn Stangveiðifélags hyggjast gera sér glaðan dag með villibráðarhlaðborði á árshátíð á laugardagskvöldið næsta.

"Í aðalhlutverki verður að vanda Villibráðarhlaðborð Villta Kokksins Úlfars Finnbjörnssonar," segir á svfk.is, vef Keflvíkinganna, sem ætla meðal annars að gæða sér á gæsum, öndum og hreindýrum og ekki láta þar við sitja því á dagskránni eru verðlaunaafhendingar, skemmtiatriði og happdrætti þar sem vinningar eru meðal annars veiðileyfi.

"Dansað verður fram á rauða nótt undir lifandi tónlist," er lofað í tilkynningu SVFK sem selur miða á þessa miklu uppskeruhátíð á milli klukkan átta og níu í kvöld, mánudagskvöld.

gar@frettabladid.is