Þýsku meistarnir í Dortmund eru til alls líklegir í Meistaradeild Evrópu eftir 2-1 sigur á Real Madrid í Þýskalandi í gærkvöld. Marcel Schmelzer skoraði sigurmark þýska liðsins, 26 mínútum fyrir leikslok. Þorsteinn J fór yfir gang mála í Meistaramörkunum á Stöð 2 sport í gærkvöld þar sem að sérfræðingarnir Hjörtur Hjartarson og Reynir Leósson fóru yfir það sem hæst bar í leik Borussia Dortmund og Real Madrid.
Robert Lewandowski kom Dortmund yfir á 36. mínútu eftir varnarmistök Pepe og frábæra sendingu frá Sven Bender. Pólverjinn afgreiddi boltann örugglega framhjá Iker Casillas í markinu.
Það tók Real-menn hinsvegar aðeins tvær mínútur að jafna þegar Cristiano Ronaldo slapp einni í gegn eftir stungusendingu frá Mesut Özil og lyfti boltanum yfir markvörðinn.
Dortmund komst aftur yfir á 64. mínútu þegar Marcel Schmelzer skoraði með skoti úr teignum eftir að Iker Casillas náði ekki að kýla fyrirgjöf Mario Götze nægilega vel frá.
Meistaradeildin: Hvað sögðu sérfræðingarnir um Dortmund?
Tengdar fréttir
Mancini: Þurfum kraftaverk til að komast áfram
Roberto Mancini, stjóri Manchester City, horfði upp á sína menn vera yfirspilaða þegar ensku meistararnir sóttu hollenska liðið Ajax heim í Meistaradeildinni í kvöld. Ajax vann leikinn 3-1 og Manchester City hefur aðeins náð í 1 stig af 9 mögulegum þegar riðlakeppnin er hálfnuð.
Ronaldo búinn að hitta markið oftar en allt Arsenal-liðið
Arsenal tapaði í kvöld 0-2 á heimavelli á móti Schalke í Meistaradeildinni en er engu að síður í öðru sæti riðilsins með sex stig af níu mögulegum þegar riðlakeppnin er hálfnuð.
