Bannað að vera í Peyton Manning-treyju í Colorado

Nemandi í þriðja bekk í Colorado-fylki í Bandaríkjunum var rekinn úr tíma og sendur heim til þess að skipta um föt eftir að hann mætti Denver Broncos-treyju merktri Peyton Manning.

Þessi aðgerð hefur reyndar ekkert með andúð á Manning að gera heldur er nemendum í bænum Englewood meinað að mæta í fatnaði með ákveðnum númerum í skólann.

Ástæðan er sú að númerin tengjast klíkum í bænum og voru lögin sett fyrir þremur árum síðan.

Númerin sem eru bönnuð eru 13,14, 18, 31, 41 og 81. Númerið 18 stendur til að mynda fyrir "18th street gang."