World Class stækkar

Nú í september mun verða tekinn í notkun glæsilegur 500 fermetra fjölnota salur sem í verða námskeið á borð við crossfit, herþjálfun og fitnessbox. "Salurinn verður einn sá glæsilegasti á landinu og er hrein viðbót við þann 200 fermetra crossfit-sal sem nú er fyrir í Kringlunni," segir Björn Leifsson, framkvæmdastjóri World Class. Björn segir enn fremur: "Með tilkomu nýju aðstöðunnar í Kringlunni mun crossfit í Kringlunni og Egilshöll sameinast í hina nýju aðstöðu í Kringlunni."

Guðmundur Hafþórsson, íþróttafræðingur og stöðvarstjóri World Class í Kringlunni, segir kúnnahópinn ört stækkandi. "Stöðin er vel staðsett, miðsvæðis og fólk er duglegt að nýta sér aðstöðuna í hádeginu eða þegar það hefur lokið vinnu."

Guðmundur bendir einnig á að fólk nýti sér í auknum mæli sólarhringsopnun stöðvarinnar. "Fólki finnst þetta mjög þægilegt að geta æft hvenær sem því hentar og getur sem dæmi tekið æfingu klukkan 18.00 á aðfangadag ef því er að skipta," segir Guðmundur.

Guðmundur bendir á aukið úrval hóptíma í Kringlunni og nefnir þá sérstaklega hina feykivinsælu zumba- og tabatatíma.

"Við í World Class byrjum með okkar hefðbundnu haustnámskeið frá 3. september og hér í Kringlunni má með sanni segja að við höfum eitthvað fyrir alla: Crossfit, 60+, mömmutíma, meðgönguleikfimi og svo nýtt námskeið sem nefnist Insanity og einkennist af þol- og kraftþjálfun.

"Nýjung í haust fyrir yngri kynslóðina er tólf vikna námskeið fyrir 13-15 ára unglinga, Unglingahreysti. Einnig er Dansstúdíó World Class alltaf vinsælt fyrir þennan aldurshóp. "Fólk ætti endilega að kynna sér frábært úrval námskeiða og skrá sig í gegnum heimasíðu World Class," segir Guðmundur einnig.

Ellen Björg Jónsdóttir, stöðvarstjóri World Class í Ögurhvarfi, segir stöðina hafa stækkað til muna. "Við erum nú einnig að taka þann hluta hússins sem Hestar og menn voru áður í og kemur sá hluti til stækkunar á hóptíma- og spinningsal hjá okkur.

Aukin aðsókn hefur verið í stöðina í sumar enda eru hér frábærar útivistar- og hlaupaleiðir," segir Ellen.