Haustveiðin í Langá kynnt

Stangaveiðifélag Reykjavíkur efnir til kynningar- og fræðslukvölds um laxinn og haustveiðina í Langá á Mýrum - mánudaginn 3. september í höfuðstöðvum félagsins að Rafstöðvarvegi 14 í Elliðaárdal. Dagskráin hefst stundvíslega kl. 20. Þetta kemur fram á vef SVFR.

Jóhann Gunnar Arnarsson, formaður árnefndar SVFR við Langá, mun lýsa haustveiðinni, helstu stöðum og staðháttum. Jóhann hefur verið við leiðsögn í ánni í sumar auk þess að hafa veitt þar um miðjan september í góðra vina hópi síðustu 10 árin. Þá mun Jóhannes Sturlaugsson hjá Laxfiskum segja frá lífi laxanna og atferli þeirra.