Hønefoss nálægt því að landa óvæntum sigri

Arnór Sveinn Aðalsteinsson og Kristján Örn Sigurðsson voru báðir í vörn nýliða Hønefoss í dag þegar liðið tók á móti toppliði Strømsgodset í efstu deild Noregs. Leikurinn endaði með 1-1 jafntefli en Íslendingaliðið var óheppið að vinna ekki leikinn.

Hønefoss komust yfir snemma í leiknum með marki frá Riku Riski og héldu þeir forystunni þangað til á 88. mínútu þegar toppliðinu tókst að jafna metin.

Nýliðar Hønefoss hafa staðið sig frábærlega á tímabilinu en liðið situr í 5. sæti deildarinnar eftir leikinn í dag.