Axel Bóasson hefur titil að verja á Íslandsmótinu í höggleik sem hefst á morgun, fimmtudag, á Strandarvelli á Hellu. Axel, sem er 22 ára gamall, hampaði Íslandsmeistaratitlinum í fyrsta sinn á Hólmsvelli i Leiru í fyrra.
„Ég hef undirbúið mig vel og ég held ég sé bara tilbúinn í þetta," sagði Axel í dag en hann hefur ekki alveg náð sér á strik á Eimskipsmótaröðinni það sem af er sumri. „Ég ætla bara að spila fyrir sjálfan mig og koma mér af stað á ný eftir þetta fall sem ég hef verið í að undanförnu. Það hefur aðallvega verið sálfræðiþátturinn sem hefur verið vandamálið, en það er allt að gerast núna," sagði Axel m.a. í viðtalinu sem má skoða í heild sinni með því að smella á örin hér fyrir ofan.
Axel Bóasson: Hef undirbúið mig vel
