Valskonur eiga ekki lengur möguleika á sæti í úrslitakeppninni - myndir

Valskonur eiga ekki lengur möguleika á sæti í úrslitakeppni Iceland Express deildar kvenna í körfubolta eftir 71-78 tap á móti KR í framlengdum leik í kvöld. Valur getur náð KR að stigum með því að vinna tvo síðustu leiki sína en verður alltaf neðar á innbyrðisviðureignum.

Baráttan um fjórða og síðasta sætið inn í úrslitakeppnina stendur því á milli KR og Hauka en bæði lið eiga líka möguleika á því að ná Snæfelli að stigum. Snæfellsliðið er í 3. sæti með 28 stig, tveimur meira en KR og fjórum meira en Haukar. Snæfell og Haukar eiga bæði leik inni á KR.

Stefán Karlsson, ljósmyndari Fréttablaðsins og Vísis, var á leiknum í DHL-höllinni í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.