Hrífst af Jay-Z og Adele

Chris Martin, söngvari Coldplay, óskar þess að hann hefði samið lögin Empire State of Mind eftir rapparann Jay-Z og Someone Like You eftir söngkonuna Adele. Þegar Jay-Z spilaði lagið fyrir hann fylltist Martin öfund. Þrátt fyrir það segir hann vel samin lög veita sér mikinn innblástur.

„Þegar ég hlusta á Empire State of Mind, Use Somebody með Kings of Leon, Someone Like You með Adele eða Bad Romance með Lady Gaga hugsa ég með mér: „Rosalega er þetta flott“,“ sagði Martin. „Ég verð að reyna að búa til eitthvað betra. Þetta er stanslaus samkeppni.“