Njóta sín á Ítalíu

Hin nýgiftu Kim Kardashian og Kris Humphries njóta hveitibrauðsdaganna á Ítalíu en þau gengu í heilagt hjónaband um liðna helgi. Parið segir að ferðalagið verði stutt að þessu sinni því þau ætla að bruna til baka til Los Angeles og vera viðstödd MTV verðlaunahátíðina, sem fer fram á morgun.

Kardashian segir að þau ætli að fara á suðrænar slóðir um leið og tækifæri gefst.  Tímaritin vestanhafs keppast um að fá að birta myndir úr brúðkaupinu en People keypti réttinn á tæpar 200 milljónir króna.