O'Brien á leið til Íslands

Kanadíska indí-söngkonan Shelley O'Brien hefur tónleikaferð sína um Evrópu með tónleikum á Faktorý í Reykjavík 14. september. O"Brien vakti fyrst athygli þegar hún setti á Youtube lög sem hún spilaði á úkúlele-hljóðfærið sitt.

Hún fékk boð um að spila víða um heiminn, þar á meðal í París, Feneyjum og Helsinki. Fyrsta platan hennar, You, Me and the Birds, kom út árið 2009 við góðar undirtektir. Nýjasta platan hennar nefnist Vivarium og var myndin á umslaginu tekin á Íslandi.