Lífrænn markaður á Lækjartorgi 23. ágúst 2011 21:00 Markaðurinn er opinn frá 11 til 17 frá þriðjudögum til laugardags og hefur leyfi til að vera á Lækjartorgi út september. Fréttablaðið/Vilhelm Frá miðjum júlí hefur Ari Hultquist boðið vegfarendum að kaupa glænýtt lífrænt ræktað grænmeti í sölubás á Lækjartorgi. „Markaðurinn er á vegum Græna hlekksins,“ útskýrir Ari en Græni hlekkurinn er fyrirtæki sem sérhæfir sig í dreifingu á lífrænum afurðum, bæði íslenskum og erlendum. Hjónin Karólína Gunnarsdóttir og Þórður G. Halldórsson á lífrænu garðyrkjustöðinni Akri standa að baki fyrirtækinu. Á lífræna markaðnum á Lækjartorgi selur Ari mest íslenskt grænmeti sem hann fær frá öllum helstu bændum sem stunda lífræna ræktun. Þá er hann einnig með eitthvað af lífrænum ávöxtum sem eru þá innfluttir. „Hér er mjög fjölbreytt úrval af grænmeti. Ég fæ það ferskt daglega frá bændum og oft býð ég grænmeti sem ekki fæst í verslunum,“ segir Ari og nefnir sem dæmi næpur, blaðlauk og grænkál. Hann segir fólk hafa tekið mjög vel í framtakið. „Margir stoppa og spjalla og eru ánægðir með markaðinn. Þeir vilja sjá fleiri slíka á Lækjartorgi, til dæmis með blóm,“ segir Ari. Hann segir að kokkar bestu veitingastaða bæjarins líti einnig iðulega við og grípi með sér brakandi ferskt grænmetið. Markaðurinn er opinn frá 11 til 17 frá þriðjudögum til laugardags en Ari hefur leyfi til að vera á Lækjartorgi út september. Rigning og kuldi hefur engin áhrif á Ara sem stendur vaktina í öllu veðri. „Rokið er hins vegar verra og ég þarf að víkja ef vindurinn verður of mikill.“ Reykjavík Mest lesið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Lamaðist og missti sjón en fann styrk í sjálfri sér Lífið „Mjög fallegt“ hús og „fullfrágengin“ lóð Lífið Björgvin Franz brotinn en slær í gegn í Ladda og ræktinni Lífið Fyrstur til að skíða niður Everest án súrefnis Lífið Selja íbúð í Vesturbænum: „Við eigum of mörg börn til að búa í henni áfram“ Lífið „Það sýður miklu frekar upp úr við uppvaskið“ Lífið Elli Egils hélt að Elli Egils væri grín Lífið Fleiri fréttir Próteinríkt avókadó-salat að hætti Önnu Eiríks Ungt fólk setur vínbændur í erfiða stöðu Sjá meira
Frá miðjum júlí hefur Ari Hultquist boðið vegfarendum að kaupa glænýtt lífrænt ræktað grænmeti í sölubás á Lækjartorgi. „Markaðurinn er á vegum Græna hlekksins,“ útskýrir Ari en Græni hlekkurinn er fyrirtæki sem sérhæfir sig í dreifingu á lífrænum afurðum, bæði íslenskum og erlendum. Hjónin Karólína Gunnarsdóttir og Þórður G. Halldórsson á lífrænu garðyrkjustöðinni Akri standa að baki fyrirtækinu. Á lífræna markaðnum á Lækjartorgi selur Ari mest íslenskt grænmeti sem hann fær frá öllum helstu bændum sem stunda lífræna ræktun. Þá er hann einnig með eitthvað af lífrænum ávöxtum sem eru þá innfluttir. „Hér er mjög fjölbreytt úrval af grænmeti. Ég fæ það ferskt daglega frá bændum og oft býð ég grænmeti sem ekki fæst í verslunum,“ segir Ari og nefnir sem dæmi næpur, blaðlauk og grænkál. Hann segir fólk hafa tekið mjög vel í framtakið. „Margir stoppa og spjalla og eru ánægðir með markaðinn. Þeir vilja sjá fleiri slíka á Lækjartorgi, til dæmis með blóm,“ segir Ari. Hann segir að kokkar bestu veitingastaða bæjarins líti einnig iðulega við og grípi með sér brakandi ferskt grænmetið. Markaðurinn er opinn frá 11 til 17 frá þriðjudögum til laugardags en Ari hefur leyfi til að vera á Lækjartorgi út september. Rigning og kuldi hefur engin áhrif á Ara sem stendur vaktina í öllu veðri. „Rokið er hins vegar verra og ég þarf að víkja ef vindurinn verður of mikill.“
Reykjavík Mest lesið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Lamaðist og missti sjón en fann styrk í sjálfri sér Lífið „Mjög fallegt“ hús og „fullfrágengin“ lóð Lífið Björgvin Franz brotinn en slær í gegn í Ladda og ræktinni Lífið Fyrstur til að skíða niður Everest án súrefnis Lífið Selja íbúð í Vesturbænum: „Við eigum of mörg börn til að búa í henni áfram“ Lífið „Það sýður miklu frekar upp úr við uppvaskið“ Lífið Elli Egils hélt að Elli Egils væri grín Lífið Fleiri fréttir Próteinríkt avókadó-salat að hætti Önnu Eiríks Ungt fólk setur vínbændur í erfiða stöðu Sjá meira