Var nær dauða en lífi eftir fósturmissinn

Breska söngkonan Lily Allen hefur nú tjáð sig um veikindi sín, en hún missti fóstur í nóvember í fyrra sökum blóðeitrunar. Í þáttum sem Channel 4 gerði um söngkonuna segist hún hafa legið á milli heims og helju vegna veikindanna.

„Það var tvísýnt í nokkra daga um líf mitt en sem betur fer á ég góða að og lít lífið allt öðrum augum núna."

Söngkonan hefur átt erfitt með barneignir og missti einnig fóstur árið 2007. Allen hefur látið hafa það eftir sér að stærsti draumur hennar sé að verða mamma og að hún ætli sér að reyna aftur á þessu ári.