Afþakkaði stefnumót

Ashton Kutcher upplýsti nýverið að draumastúlka hans hefði eitt sinn verið Jennifer Aniston.

„Ég var mjög hrifinn af henni og sór að ég ætti eftir að fara með henni á stefnumót einn daginn. Vinur minn ákvað að breyta þessu í veðmál en það voru engin tímamörk þannig ég get ennþá unnið þetta veðmál," sagði Kutcher, sem bauð Aniston á stefnumót þegar hún var enn gift Brad Pitt.

„Hún afþakkaði boðið. Ekki er þó öll von úti, nú er þetta bara spurning um að sannfæra eiginkonuna um að hleypa mér á stefnumót með annarri konu."