Framúrstefna frá Færeyjum

Hönnunarmerkið bARBARA í gONGINI var á meðal þeirra skandinavísku tískumerkja sem sýndu línur sínar á nýyfirstaðinni tískuviku í Kaupmannahöfn. Merkið er upprunalega frá Færeyjum en hefur aðsetur í Kaupmannahöfn og þykir hönnun þess dökk og framúrstefnuleg.

Sýning bARBARA í gONGINI fór fram í Det kongelige danske musikkonservatorium og var líkari listagjörningi en tískusýningu. Tónlistin var drungaleg og fyrirsæturnar gengu eins og í leiðslu um sviðið með hvítmáluð andlit og kolsvart hár. Fatnaðurinn var framúrstefnulegur og var sýningin því einstök upplifun frá upphafi til enda.- sm

Sérstaklega flottur leðurjakki frá færeyska hönnuðinum.

Svart og flott. Fallegur, hálf gegnsær kjóll frá Barbara í Gongini.

Hönnun Barböru í Gongini þykir dökk og framúrstefnuleg.

Draugaleg. Svartur kjóll og skósítt vesti ásamt síðri silfurhálskeðju.