Jólakæfa

Þorgerður Sigurðardóttir sendi okkur þessa gómsætu uppskrift að jólakæfu.

1 kg. svínalifur, hökkuð

600 gr.svínaspekk, hakkað

1 dós gaffalbitar

1 - 2 laukar hakkaðir

4 msk smjör

5 msk hveiti

5 - 6 dl. mjólk (ekki verra að setja smá rjóma)

1 stk. grænmetisteningur

1 - 2 tsk. salt

1 - 2 tsk. svartur pipar

1 tsk negull

3 - 4 egg



Hakkið lifur, spekk, gafalbita og lauk. 

Hægt er að kaupa lifrina og spekkið hakkað í ýmsum kjötbúðum t.d. Kjöthöllinni.

Smjörið brætt og hveitið sett út í og þynnt með mjólkinni svo úr verði sósa.

Kryddið og teningurinn sett í sósuna. Látið kólna.

Eggin sett í sósuna eitt og eitt í einu og hrært.

Lifrahakkinu hrært saman við.

Bæta má við kryddi eftir smekk.

Sett í eldfast mót eitt eða fleiri.

Álpappír settur yfir mótið og soðið í vatnsbaði í ofni við 200° C í eina klst.

Pappírinn tekinn af síðustu 15 mín. 

Berið kæfuna fram heita eða kalda.

Tilbreyting:

Létt steikið sveppi og setjið yfir kæfuna þegar hún er borin fram.

Harðsteikið bacon og leggið yfir kæfuna.

Berið fram með rúgbrauði, súrum gúrkum og rauðkáli.