Fanney stóð sig best í sviginu á HM unglinga

Fanney Guðmundsdóttir varð í 33. sæti í svigi á heimsmeistaramóti unglinga í Crans Montana í Sviss í dag. Freydís Halla Einarsdóttir í 39. sæti og Erla Ásgeirsdóttir í 42. sæti.

49 stúlkur komust klakklaust niður brautina í báðum ferðum en 59 féllu úr leik, þar á meðal Katrín Kristjánsdóttir.

Freydís varð sjöunda í sínum aldursflokki í sviginu í dag og Erla áttunda.

Í gær varð Freydís 2. í sínum aldursflokki í stórsvigi. Sigurgeir Halldórsson varð í 88. sæti í bruni af 103 keppendum, en 10 voru dæmdir úr leik.