Stanslaust hringt í nýliðann Vergne eftir ráðningu 16. desember 2011 15:15 Jean Eric Vergne verður keppnisökumaður með Torro Rosso á næsta ári. MYND: Getty Images/Peter Fox Jean Eric Vergne verður nýliði sem keppnisökumaður í Formúlu 1 á næsta ári með Torro Rosso liðinu. Hann varð meistari í Formúlu 3 í Bretlandi 2010 og náði markverðum árangri á æfingum ungra ökumanna í Abú Dabí eftir síðustu Formúlu 1 keppni ársins á dögunum. Torro Rosso ákvað að skipta um báða keppnisökumenn sína fyrir næsta keppnistímabil og eru Sebastian Buemi og Jamie Alguersuari ekki lengur ökumenn liðsins. Auk Vergne þá verður Ástralinn Daniel Ricciardo ökumaður Torro Rosso, en hann ók með HRT liðinu í ár. Vergne er frá Frakklandi og fékk fréttirnar um ráðninguna í vikunni. „Ég var heima í París þegar ég fékk símtalið. Ég var mjög spenntur og vildi segja öllum frá, en þorði ekki að hringja í neinn fyrr en liðið sagði mér að þetta hefði verið tilkynnt formlega. Um leið og ég vissi það, byrjaði ég að hringja í forledra mína og fjölskyldu að sjálfsögðu og þjálfara minn. Líka aðra sem hafa hjálpð mér gegnum tíðina. Eftir þetta gat ég ekki hringt, því fólk hringdi stanslaust í mig," sagði Vergne í fréttatilkynningu frá Torro Rosso. Vergne varð í öðru sæti í svokallaðri Formúlu Renault 3.5 mótaröð á þessu keppnistímabili. Hann ók líka á þremur föstudagsæfingum með Torro Rosso á tímabilinu. Vergne náði síðan besta tíma þrjá daga í röð á æfingunum í Abú Dabí, þegar Formúlu 1 lið leyfðu ungum ökumönnum að spreyta sig um borð í bílum sínum. Vergne ók meistarabil Red Bull keppnisliðiðsins á æfingunum, en Red Bull fyrirtækið í Austurríki á Torro Rosso liðið líka. Aðspurður um hvort álagið hefði verið mismikið við ólíkar aðstæður sagði Vergne: „Þetta er allt eins hjá mér, af því að í hvert skipti sem ég er undir stýri, sama hvað bíll um ræðir eða í hvaða mótaröð sem er, þá nýt ég mín alltaf. Ég finn ekki fyrir pressu. Ég reyni bara að gera mitt besta og vera eins fagmannlegur og mögulegt er." Vergne og Ricciardo hafa áður starfað saman og þeir hafa verið studdir af Red Bull á ferli sínum og hafa svipaðan akstursstíl að sögn Vergne, sem telur Ricciardo hafa það umfram sig að hafa keppt á þessu ári í Formúlu 1. „Ég veit að ég hef margt að læra og vonast til að gera það hratt. Ég geri mér grein fyrir því að það gæti orðið erfitt, en ég veit að almennt séð að þá læri ég hratt. Það hefur verið rauninn í öllum mótaröðum sem ég hef keppt í til þessa. Formúla 1 er öðruvísi, erfiðara en aðrar mótaraðir, en ég hef sjálfstraust." Vergne mun verja jólunum með fjölskyldunni og ætlar að æfa af kappi líkamlega séð til að vera tilbúinn fyrir langt og strangt tímabil sem er framundan. Fyrstu æfingar Formúlu 1 liða verða í febrúar. Formúla Íþróttir Mest lesið Farmiði tryggður í fjórða úrslitaleikinn í röð Handbolti „Áhugaverð vegferð að vera með tvo Njarðvíkinga að dæma“ Körfubolti Booker ekki valinn og vill breyta stjörnuleiknum Körfubolti Lagði upp mark í fyrsta leiknum í Póllandi Fótbolti Íslandsmeistararnir unnu Þungavigtarbikarinn Íslenski boltinn Elías skoraði og Stefán lagði upp Fótbolti Karólína skoraði stórkostlegt mark og lagði annað upp Fótbolti Lekur úr lofti og leik Hauka og Þórs frestað Körfubolti Valskonur skoruðu aftur fjörutíu mörk Handbolti Búbbluhausinn verður í banni Körfubolti Fleiri fréttir Hamilton klessti Ferrari-inn á fyrsta degi Arftaki Hamiltons fékk bílprófið sex vikum fyrir fyrstu keppni tímabilsins Mun harðari refsingar á nýju formúlu 1 tímabili Hamilton gæti ekki verið spenntari fyrir komandi tímabili Sjá meira
Jean Eric Vergne verður nýliði sem keppnisökumaður í Formúlu 1 á næsta ári með Torro Rosso liðinu. Hann varð meistari í Formúlu 3 í Bretlandi 2010 og náði markverðum árangri á æfingum ungra ökumanna í Abú Dabí eftir síðustu Formúlu 1 keppni ársins á dögunum. Torro Rosso ákvað að skipta um báða keppnisökumenn sína fyrir næsta keppnistímabil og eru Sebastian Buemi og Jamie Alguersuari ekki lengur ökumenn liðsins. Auk Vergne þá verður Ástralinn Daniel Ricciardo ökumaður Torro Rosso, en hann ók með HRT liðinu í ár. Vergne er frá Frakklandi og fékk fréttirnar um ráðninguna í vikunni. „Ég var heima í París þegar ég fékk símtalið. Ég var mjög spenntur og vildi segja öllum frá, en þorði ekki að hringja í neinn fyrr en liðið sagði mér að þetta hefði verið tilkynnt formlega. Um leið og ég vissi það, byrjaði ég að hringja í forledra mína og fjölskyldu að sjálfsögðu og þjálfara minn. Líka aðra sem hafa hjálpð mér gegnum tíðina. Eftir þetta gat ég ekki hringt, því fólk hringdi stanslaust í mig," sagði Vergne í fréttatilkynningu frá Torro Rosso. Vergne varð í öðru sæti í svokallaðri Formúlu Renault 3.5 mótaröð á þessu keppnistímabili. Hann ók líka á þremur föstudagsæfingum með Torro Rosso á tímabilinu. Vergne náði síðan besta tíma þrjá daga í röð á æfingunum í Abú Dabí, þegar Formúlu 1 lið leyfðu ungum ökumönnum að spreyta sig um borð í bílum sínum. Vergne ók meistarabil Red Bull keppnisliðiðsins á æfingunum, en Red Bull fyrirtækið í Austurríki á Torro Rosso liðið líka. Aðspurður um hvort álagið hefði verið mismikið við ólíkar aðstæður sagði Vergne: „Þetta er allt eins hjá mér, af því að í hvert skipti sem ég er undir stýri, sama hvað bíll um ræðir eða í hvaða mótaröð sem er, þá nýt ég mín alltaf. Ég finn ekki fyrir pressu. Ég reyni bara að gera mitt besta og vera eins fagmannlegur og mögulegt er." Vergne og Ricciardo hafa áður starfað saman og þeir hafa verið studdir af Red Bull á ferli sínum og hafa svipaðan akstursstíl að sögn Vergne, sem telur Ricciardo hafa það umfram sig að hafa keppt á þessu ári í Formúlu 1. „Ég veit að ég hef margt að læra og vonast til að gera það hratt. Ég geri mér grein fyrir því að það gæti orðið erfitt, en ég veit að almennt séð að þá læri ég hratt. Það hefur verið rauninn í öllum mótaröðum sem ég hef keppt í til þessa. Formúla 1 er öðruvísi, erfiðara en aðrar mótaraðir, en ég hef sjálfstraust." Vergne mun verja jólunum með fjölskyldunni og ætlar að æfa af kappi líkamlega séð til að vera tilbúinn fyrir langt og strangt tímabil sem er framundan. Fyrstu æfingar Formúlu 1 liða verða í febrúar.
Formúla Íþróttir Mest lesið Farmiði tryggður í fjórða úrslitaleikinn í röð Handbolti „Áhugaverð vegferð að vera með tvo Njarðvíkinga að dæma“ Körfubolti Booker ekki valinn og vill breyta stjörnuleiknum Körfubolti Lagði upp mark í fyrsta leiknum í Póllandi Fótbolti Íslandsmeistararnir unnu Þungavigtarbikarinn Íslenski boltinn Elías skoraði og Stefán lagði upp Fótbolti Karólína skoraði stórkostlegt mark og lagði annað upp Fótbolti Lekur úr lofti og leik Hauka og Þórs frestað Körfubolti Valskonur skoruðu aftur fjörutíu mörk Handbolti Búbbluhausinn verður í banni Körfubolti Fleiri fréttir Hamilton klessti Ferrari-inn á fyrsta degi Arftaki Hamiltons fékk bílprófið sex vikum fyrir fyrstu keppni tímabilsins Mun harðari refsingar á nýju formúlu 1 tímabili Hamilton gæti ekki verið spenntari fyrir komandi tímabili Sjá meira