Westwood tekur aftur þátt á PGA-mótaröðinni

Englendingurinn Lee Westwood ætlar að spila bæði á Evrópumótaröðinni sem og á PGA-mótaröðinni í Bandaríkjunum á næsta golftímabili. Westwood var hættur að spila á PGA-mótaröðinni en honum finnst rétt að taka aftur þátt þar núna.

"Það er Ryder Cup ár og því fannst mér rétt að taka líka heilt tímabil í Bandaríkjunum," sagði Westwood sem stefnir á að komast í FedEx-bikarinn sem markar endalok PGA-tímabilsins og þar eru einnig miklir peningar í boði.

"FedEx-bikarinn var mjög spennandi í sjónvarpinu síðast og mig langar að vera með þar sem ég hef aldrei tekið þátt í mótinu."

Westwood er í þriðja sæti á heimslista kylfinga.