Hrafn: Enginn óhultur nema íslenski leikmaðurinn

Hrafn Kristjánsson, þjálfari KR, vildi ekki staðfesta hvort að stokkað yrði upp í sínum leikmannahópi eftir tapið stóra gegn Grindavík í kvöld.

Bandaríkjamennirnir Edward Horton og David Tairu voru langt frá sínu besta í kvöld. Horton klikkaði á öllum ellefu skotum sínum í leiknum og Tairu var litlu skárri þó svo að hann hafi skorað ellefu stig.

Hvort þetta leiði til breytinga í leikmannahópi KR vildi Hrafn ekki staðfesta.

„Ef svo er verður það ekki tilkynnt við þetta tækifæri. En eðli íþróttanna er að það verði farið í einhvers konar hrókeringar þegar illa gengur og það virðist enginn óhultur nema íslenski leikmaðurinn," sagði Hrafn en umfjöllun og viðtöl um leikinn í kvöld má sjá hér.