Grindvíkingar með fimm sigra í fimm leikjum - myndir

Grindvíkingar eru áfram einir á toppnum í Iceland Express deild karla eftir 83-73 sigur á nýliðum Vals í Vodfone-höllinni í gærkvöldi. Grindavíkurliðið er búið að vinna fimm fyrstu deildarleiki sína á tímabilinu.

Valsmenn voru 68-66 yfir þegar rúmar níu mínútur voru eftir en Grindavíkurliðið vann lokakafla leiksins 17-5 og sá til þess að Valsmenn sitja áfram stigalausir á botninum.

Stefán Karlsson, ljósmyndari Fréttablaðsins og Vísis, var á leik Vals og Grindavíkur í Vodfone-höllinni í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.