Umfjöllun og viðtöl: Grótta - Fram 23-28 Eiríkur Stefán Ásgeirsson á Seltjarnarnesi skrifar 27. október 2011 16:07 Ægir Hrafn Jónsson. Mynd/Anton Framarar voru lengi í gang á Seltjarnanesinu í kvöld en unnu að lokum öruggan sigur á nýliðum Gróttu í hröðum leik. Grótta hafði forystu í upphafi leiksins en meistaraefnin úr Safamýrinni tóku völdin í leiknum, hægt og rólega, og unnu að lokum fimm marka sigur, 28-23. Fyrirfram áttu fáir sjálfsagt von á því að Grótta myndi ná að standa í hárinu á Frömurum sem hafa byrjað Íslandsmótið af miklum krafti. Það var þó einmitt það sem gerðist og gott betur því eftir tíu mínútna leik var staðan orðin 6-2, heimamönnum í vil. Gróttumenn spiluðu fína vörn með Lárus Helga öflugan í markinu og voru svo grimmir í sókninni. Safamýrapiltar voru hins vegar einfaldlega á hælunum og náðu til að mynda ekki að verja skot fyrr en eftir tæpan stundarfjórðung. Það gerði Sebastian Alexandersson þegar hann var nýkominn inn á. Hann gerði gott betur og hélt sínum mönnum á floti eftir því sem leið á fyrri hálfleikinn. Alls átti hann eftir að verja fjögur vítaköst og helming þeirra skota sem hann fékk á sig. Eftir nokkuð óðagot í sóknarleik Framara tóku þeir sig taki og söxuðu á forystu heimamanna, jafnt og þétt. Varnarleikurinn styrktist einnig og þó svo að Grótta hafði forystu, 13-12, í hálfeik var ljóst í hvað stefndi. Í stöðunni 16-15 skoraði Fram fimm mörk í röð og eftir það var aldrei spurning hvað væri í vændum. Varnarleikur liðsins, með þá Ægi Hrafn og Ingimund í fararbroddi, var mjög öflugur og uppskáru þeir nokkur auðveld mörk fyrir. Einar Rafn, Halldór Jóhann og Sigurður Eggertsson komu sterkir inn í sóknarleikinn á lokakaflanum og sáu til þess að heimamenn þurfa að bíða eitthvað enn eftir fyrsta sigrinum. Þess ber að geta að það er ýmislegt jákvætt við leik Gróttu og ef þetta heldur áfram á þessari braut er stutt í fyrsta sigurinn. Lárus Helgi er öflugur markvörður og Þorgrímur Ólafsson sterk skytta sem getur skorað allar tegundir af mörkum. Liðið þarf þó að sýna aðeins meiri stöðugleika, bæði í vörn og sókn, og þá fylgja stigin sjálfsagt í kjölfarið. Framarar héldu toppsæti sínu í deildinni með sigrinum og eru komnir aftur á sigurbraut eftir óvænt tap gegn HK í síðustu umferð. Einar: Alltaf erfitt að koma út á Nesið„Við vissum að þetta yrði erfitt en bæði lið voru særð eftir síðustu umferð. Við gerðum okkur erfitt fyrir í upphafi leiksins og kannski vantaði smá sjálfstraust og neista í okkar leik," sagði Einar. „En mér fannst við samt spila virkilega vel í 50 mínútur í kvöld." „Það er erfitt að koma hingað út á Nes og ekki sjálfgefið að vinna hér. Ég er því mjög ánægður með sigurinn." Sebastian Alexandersson kom inn á eftir þessar fyrstu tíu mínútur og átti stóran þátt í því að koma Frömurum í gang eftir slaka byrjun. „Við erum með þrjá mjög góða markmenn. Basti og Maggi hafa verið að klára þessa leiki hingað til og við verið með fína markvörslu hingað til. En það má ekki heldur gleyma því að vörnin var mjög öflug og Gróttumenn áttu á köflum í erfiðleikum með að koma skoti á markið." Framarar voru þó undir í hálfleik en Einar hafði ekki miklar áhyggjur af því. „Það er aldrei gott að vera undir en við náðum þó að breyta stöðunni úr 6-2 í 13-12. Við vorum að gera ýmislegt jákvætt og gerðum það áfram í seinni hálfleik. Þetta var svo orðið öruggt undir lokin." Guðfinnur: Góðu kaflarnir að lengjastÞjálfari Gróttumanna, Guðfinnur Kristmannsson, sá margt jákvætt við leik sinna manna í kvöld enda byrjðu þeir gríðarlega vel í leiknum. „Fyrri hálfleikurinn var fantafínn en sá seinni aðeins erfiðari. En við erum alltaf í þessu sama - gefum leikinn frá okkur. Við köstuðum boltanum of oft frá okkur og svo voru vítaköstin líka að fara mjög illa í okkur. Vítanýtingin hefur verið alveg skelfilega í allan vetur," sagði Guðfinnur. „Flestir leikir hjá okkur hafa byrjað ágætlega, nema kannski í leiknum gegn HK. Mér finnst að sóknarleikurinn að batna og góðu kaflarnir eru að lengjast hjá okkur. Við vorum með í 45 mínútur í dag og þetta er allt á réttri leið." Framarar gengu á lagið í upphafi seinni hálfleiks og reyndust varnarmönnum Gróttu erfiðir. „Það fór mikið púður í varnarleikinn í fyrri hálfleik og kannski var farið að slitna fullmikið á milli okkar í seinni hálfleik. Við þurfum að treysta mikið til á sömu mennina og því vill krafturinn fara úr þessu hjá okkur." „En það breytist ekki að við förum í alla leiki til að taka stig og svo verður bara tímabilið gert upp í vor." Þorgrímur Smári: Tókum slæmar ákvarðanirGóð frammistaða Þorgríms Smára Ólafssonar, leikmanns Gróttu, dugði ekki til í kvöld en liðið tapaði 23-28 fyrir sterku liði Fram. Þorgrímur var að vonum svekktur í leikslok. „Við vorum flottir í fyrri hálfleik og sóknarleikurinn var að ganga vel upp. Kerfin sem við lögðum upp með fyrir leik voru að virka og þetta leit vel út. Það var hinsvegar annað upp á teningnum í síðari hálfleik og voru þeir byrjaðir að lesa kerfin okkar og áttum við í vandræðum í sóknarleiknum. Við vorum orðnir örvæntingarfullir í okkar leik, tókum slæmar ákvarðanir og ótímabær skot,” sagði Þorgrímur. Hann átti góðan leik, skoraði níu mörk og var potturinn og pannan í sóknarleik Gróttu í kvöld en það dugði ekki til „Það verður alltaf einhver að stíga upp i svona leikjum og reyna að draga vagninn. Það dugði þó ekki til í dag en ég er þó nokkuð ánægður með mína frammistöðu þó að við höfum tapað leiknum,” sagði Þorgrimur.Sebastían: Stundum er maður fyrir boltanum Sebastían Alexandersson, markvörður Fram, átti stórleik í kvöld og var að vonum ánægður í leikslok. „Maður náði að hjálpa til í dag og auðvitað er það ánægjulegt. Við erum búnir að vera í smá mótlæti en eins og alvöru lið gera þá rifum við okkur upp í hálfleik, komum sterkir í síðari hálfleikinn og kláruðum þetta.” Sebastían var með fimmtíu prósenta markvörslu í leiknum og varði meðal annars fjögur vítaköst Gróttumanna „Stundum fellur þetta með manni og það gerði það í kvöld. Maður er búinn að vera lengi í þessu og stundum tekst manni að vera fyrir boltanum,” sagði Sebastían kátur í leikslok. Olís-deild karla Mest lesið Snorri Steinn um Gunna Magg málið: „Það er kjánaskapur að halda því fram“ Handbolti Ein stærstu og óvæntustu skipti sögunnar Körfubolti „Íslensku konurnar sem breyttu CrossFit heiminum að eilífu“ Sport Neitaði að heilsa skákkonunni en bætti fyrir það með stæl Sport Snorri Steinn heldur með Degi: „Ég vona innilega að hann vinni“ Handbolti „Vertu auðmjúkur“ leikurinn, taka tvö Enski boltinn Grein Morgunblaðsins til skammar Sport United sækir annað ungstirni frá Arsenal Fótbolti Rashford við það að ganga í raðir Aston Villa Fótbolti Danska landsliðið hefur ekki tapað leik á HM í átta ár Handbolti Fleiri fréttir Danska landsliðið hefur ekki tapað leik á HM í átta ár Snorri Steinn um Gunna Magg málið: „Það er kjánaskapur að halda því fram“ Snorri Steinn heldur með Degi: „Ég vona innilega að hann vinni“ FH fær markahæsta Selfyssing sögunnar Sigurganga Metzingen stöðvuð í Íslendingaslag Dana markahæst í tíunda sigrinum í röð Haukakonur færðu Eyjastúlkum níunda tapið í röð Uppgjör og viðtöl: Grótta - ÍR 24-25 | ÍR vann í dramatískum leik Snorri Steinn um ummæli Gísla: „Auðvitað ertu vonsvikinn“ Loksins brosti Dagur Sigurðsson Snorri Steinn hefur ekki getað horft á leikina á HM: „Það bara svíður“ Farmiði tryggður í fjórða úrslitaleikinn í röð Valskonur skoruðu aftur fjörutíu mörk Mundi loforðið til kennarans Segir Portúgala komna til að vera meðal þeirra bestu í handboltanum Dagur gæti gert það sem enginn þjálfari hefur afrekað í handboltasögunni Anton fær liðið sem tapar varla leik: „Hollt fyrir þær að fá eitthvað nýtt og ferskt“ Hreiðar Levý um skrif Víðis: Að líkja þessu við landráð er pistlahöfundi til skammar „Ég gæti ekki verið ánægðari“ Magnaðar móttökur fyrir utan höllina kveiktu í strákunum hans Dags Dagur og lærisveinar hans í úrslit Ósammála Alfreð: „Auðvitað er þetta bakslag“ Oggi snýr aftur heim Bryðja töflur og spila á öðrum fæti fyrir Dag Segja sigurmark Portúgals ólöglegt: „Stór dómaramistök“ Súrustu töpin í sögu strákanna okkar Þórir ætlar að hlusta á hjartað en ekki strax Lærisveinar Alfreðs úr leik eftir framlengdan leik Anton tekur við kvennaliði Vals Danir flugu inn í undanúrslitin Sjá meira
Framarar voru lengi í gang á Seltjarnanesinu í kvöld en unnu að lokum öruggan sigur á nýliðum Gróttu í hröðum leik. Grótta hafði forystu í upphafi leiksins en meistaraefnin úr Safamýrinni tóku völdin í leiknum, hægt og rólega, og unnu að lokum fimm marka sigur, 28-23. Fyrirfram áttu fáir sjálfsagt von á því að Grótta myndi ná að standa í hárinu á Frömurum sem hafa byrjað Íslandsmótið af miklum krafti. Það var þó einmitt það sem gerðist og gott betur því eftir tíu mínútna leik var staðan orðin 6-2, heimamönnum í vil. Gróttumenn spiluðu fína vörn með Lárus Helga öflugan í markinu og voru svo grimmir í sókninni. Safamýrapiltar voru hins vegar einfaldlega á hælunum og náðu til að mynda ekki að verja skot fyrr en eftir tæpan stundarfjórðung. Það gerði Sebastian Alexandersson þegar hann var nýkominn inn á. Hann gerði gott betur og hélt sínum mönnum á floti eftir því sem leið á fyrri hálfleikinn. Alls átti hann eftir að verja fjögur vítaköst og helming þeirra skota sem hann fékk á sig. Eftir nokkuð óðagot í sóknarleik Framara tóku þeir sig taki og söxuðu á forystu heimamanna, jafnt og þétt. Varnarleikurinn styrktist einnig og þó svo að Grótta hafði forystu, 13-12, í hálfeik var ljóst í hvað stefndi. Í stöðunni 16-15 skoraði Fram fimm mörk í röð og eftir það var aldrei spurning hvað væri í vændum. Varnarleikur liðsins, með þá Ægi Hrafn og Ingimund í fararbroddi, var mjög öflugur og uppskáru þeir nokkur auðveld mörk fyrir. Einar Rafn, Halldór Jóhann og Sigurður Eggertsson komu sterkir inn í sóknarleikinn á lokakaflanum og sáu til þess að heimamenn þurfa að bíða eitthvað enn eftir fyrsta sigrinum. Þess ber að geta að það er ýmislegt jákvætt við leik Gróttu og ef þetta heldur áfram á þessari braut er stutt í fyrsta sigurinn. Lárus Helgi er öflugur markvörður og Þorgrímur Ólafsson sterk skytta sem getur skorað allar tegundir af mörkum. Liðið þarf þó að sýna aðeins meiri stöðugleika, bæði í vörn og sókn, og þá fylgja stigin sjálfsagt í kjölfarið. Framarar héldu toppsæti sínu í deildinni með sigrinum og eru komnir aftur á sigurbraut eftir óvænt tap gegn HK í síðustu umferð. Einar: Alltaf erfitt að koma út á Nesið„Við vissum að þetta yrði erfitt en bæði lið voru særð eftir síðustu umferð. Við gerðum okkur erfitt fyrir í upphafi leiksins og kannski vantaði smá sjálfstraust og neista í okkar leik," sagði Einar. „En mér fannst við samt spila virkilega vel í 50 mínútur í kvöld." „Það er erfitt að koma hingað út á Nes og ekki sjálfgefið að vinna hér. Ég er því mjög ánægður með sigurinn." Sebastian Alexandersson kom inn á eftir þessar fyrstu tíu mínútur og átti stóran þátt í því að koma Frömurum í gang eftir slaka byrjun. „Við erum með þrjá mjög góða markmenn. Basti og Maggi hafa verið að klára þessa leiki hingað til og við verið með fína markvörslu hingað til. En það má ekki heldur gleyma því að vörnin var mjög öflug og Gróttumenn áttu á köflum í erfiðleikum með að koma skoti á markið." Framarar voru þó undir í hálfleik en Einar hafði ekki miklar áhyggjur af því. „Það er aldrei gott að vera undir en við náðum þó að breyta stöðunni úr 6-2 í 13-12. Við vorum að gera ýmislegt jákvætt og gerðum það áfram í seinni hálfleik. Þetta var svo orðið öruggt undir lokin." Guðfinnur: Góðu kaflarnir að lengjastÞjálfari Gróttumanna, Guðfinnur Kristmannsson, sá margt jákvætt við leik sinna manna í kvöld enda byrjðu þeir gríðarlega vel í leiknum. „Fyrri hálfleikurinn var fantafínn en sá seinni aðeins erfiðari. En við erum alltaf í þessu sama - gefum leikinn frá okkur. Við köstuðum boltanum of oft frá okkur og svo voru vítaköstin líka að fara mjög illa í okkur. Vítanýtingin hefur verið alveg skelfilega í allan vetur," sagði Guðfinnur. „Flestir leikir hjá okkur hafa byrjað ágætlega, nema kannski í leiknum gegn HK. Mér finnst að sóknarleikurinn að batna og góðu kaflarnir eru að lengjast hjá okkur. Við vorum með í 45 mínútur í dag og þetta er allt á réttri leið." Framarar gengu á lagið í upphafi seinni hálfleiks og reyndust varnarmönnum Gróttu erfiðir. „Það fór mikið púður í varnarleikinn í fyrri hálfleik og kannski var farið að slitna fullmikið á milli okkar í seinni hálfleik. Við þurfum að treysta mikið til á sömu mennina og því vill krafturinn fara úr þessu hjá okkur." „En það breytist ekki að við förum í alla leiki til að taka stig og svo verður bara tímabilið gert upp í vor." Þorgrímur Smári: Tókum slæmar ákvarðanirGóð frammistaða Þorgríms Smára Ólafssonar, leikmanns Gróttu, dugði ekki til í kvöld en liðið tapaði 23-28 fyrir sterku liði Fram. Þorgrímur var að vonum svekktur í leikslok. „Við vorum flottir í fyrri hálfleik og sóknarleikurinn var að ganga vel upp. Kerfin sem við lögðum upp með fyrir leik voru að virka og þetta leit vel út. Það var hinsvegar annað upp á teningnum í síðari hálfleik og voru þeir byrjaðir að lesa kerfin okkar og áttum við í vandræðum í sóknarleiknum. Við vorum orðnir örvæntingarfullir í okkar leik, tókum slæmar ákvarðanir og ótímabær skot,” sagði Þorgrímur. Hann átti góðan leik, skoraði níu mörk og var potturinn og pannan í sóknarleik Gróttu í kvöld en það dugði ekki til „Það verður alltaf einhver að stíga upp i svona leikjum og reyna að draga vagninn. Það dugði þó ekki til í dag en ég er þó nokkuð ánægður með mína frammistöðu þó að við höfum tapað leiknum,” sagði Þorgrimur.Sebastían: Stundum er maður fyrir boltanum Sebastían Alexandersson, markvörður Fram, átti stórleik í kvöld og var að vonum ánægður í leikslok. „Maður náði að hjálpa til í dag og auðvitað er það ánægjulegt. Við erum búnir að vera í smá mótlæti en eins og alvöru lið gera þá rifum við okkur upp í hálfleik, komum sterkir í síðari hálfleikinn og kláruðum þetta.” Sebastían var með fimmtíu prósenta markvörslu í leiknum og varði meðal annars fjögur vítaköst Gróttumanna „Stundum fellur þetta með manni og það gerði það í kvöld. Maður er búinn að vera lengi í þessu og stundum tekst manni að vera fyrir boltanum,” sagði Sebastían kátur í leikslok.
Olís-deild karla Mest lesið Snorri Steinn um Gunna Magg málið: „Það er kjánaskapur að halda því fram“ Handbolti Ein stærstu og óvæntustu skipti sögunnar Körfubolti „Íslensku konurnar sem breyttu CrossFit heiminum að eilífu“ Sport Neitaði að heilsa skákkonunni en bætti fyrir það með stæl Sport Snorri Steinn heldur með Degi: „Ég vona innilega að hann vinni“ Handbolti „Vertu auðmjúkur“ leikurinn, taka tvö Enski boltinn Grein Morgunblaðsins til skammar Sport United sækir annað ungstirni frá Arsenal Fótbolti Rashford við það að ganga í raðir Aston Villa Fótbolti Danska landsliðið hefur ekki tapað leik á HM í átta ár Handbolti Fleiri fréttir Danska landsliðið hefur ekki tapað leik á HM í átta ár Snorri Steinn um Gunna Magg málið: „Það er kjánaskapur að halda því fram“ Snorri Steinn heldur með Degi: „Ég vona innilega að hann vinni“ FH fær markahæsta Selfyssing sögunnar Sigurganga Metzingen stöðvuð í Íslendingaslag Dana markahæst í tíunda sigrinum í röð Haukakonur færðu Eyjastúlkum níunda tapið í röð Uppgjör og viðtöl: Grótta - ÍR 24-25 | ÍR vann í dramatískum leik Snorri Steinn um ummæli Gísla: „Auðvitað ertu vonsvikinn“ Loksins brosti Dagur Sigurðsson Snorri Steinn hefur ekki getað horft á leikina á HM: „Það bara svíður“ Farmiði tryggður í fjórða úrslitaleikinn í röð Valskonur skoruðu aftur fjörutíu mörk Mundi loforðið til kennarans Segir Portúgala komna til að vera meðal þeirra bestu í handboltanum Dagur gæti gert það sem enginn þjálfari hefur afrekað í handboltasögunni Anton fær liðið sem tapar varla leik: „Hollt fyrir þær að fá eitthvað nýtt og ferskt“ Hreiðar Levý um skrif Víðis: Að líkja þessu við landráð er pistlahöfundi til skammar „Ég gæti ekki verið ánægðari“ Magnaðar móttökur fyrir utan höllina kveiktu í strákunum hans Dags Dagur og lærisveinar hans í úrslit Ósammála Alfreð: „Auðvitað er þetta bakslag“ Oggi snýr aftur heim Bryðja töflur og spila á öðrum fæti fyrir Dag Segja sigurmark Portúgals ólöglegt: „Stór dómaramistök“ Súrustu töpin í sögu strákanna okkar Þórir ætlar að hlusta á hjartað en ekki strax Lærisveinar Alfreðs úr leik eftir framlengdan leik Anton tekur við kvennaliði Vals Danir flugu inn í undanúrslitin Sjá meira