Framarar yfirbuguðu Hlíðarendagrýluna - myndir

Framarar eru áfram með fullt hús í N1 deild karla eftir 21-20 sigur á Valsmönnum í Vodafonehöllinni á Hlíðarenda í gærkvöldi. Fram hefur unnið fjóra fyrstu leiki sína undir stjórn Einars Jónssonar.

Þetta var langþráður sigur Framliðsins í þessu tiltekna íþróttahúsi enda voru Valsmenn búnir að vinna átta leiki í röð á móti Fram í Vodafonehöllinni.

Framarar fögnuðu því í leikslok sínum fyrsta sigri við Öskjuhliðina síðan þeir unnu þar 27-25 sigur 16. desember 2007.

Haraldur Guðjónsson, ljósmyndari Fréttablaðsins og Vísis, var á leiknum í Vodafonehöllinni í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.