Rjúpa eða ekki rjúpa?

Enn hefur ekki verið tilkynnt um ákvörðun Umhverfisráðherra varðandi veiðar á rjúpu þetta haustið og víst er að mörgum þykir þessi seinagangur í ákvarðanatöku ótrúlega sérstakur.

Það eru margir birgjar sem ekki hafa lagt í að panta mikið, ef nokkrar vörur sem seljast mikið í kringum rjúpnaveiðina þannig að verslunarmenn, veiðimenn og aðrir sem eiga hagsmuni að gæta í þessu máli geta lítið annað gert en beðið.

Tímabilið ætti með réttu að hefjast um næstu mánaðarmót og það er víst að verði veiðarnar bannaðar flykkjast skyttur á tún og akra til að ná sér í gæs.  Því þó að rjúpnaveiðar verði bannaðar þá eru margir sem vilja villibráð á sitt hátíðarborð um jólin og gæsin er að margra mati ekkert síðri hátíðarmatur en rjúpann, og það er nóg til af henni!