Nökkvi vann Einvígið á Nesinu

Nökkvi Gunnarsson NK vann einvígið á Nesinu 2011. Hann tryggði sér sigur í bráðabana á lokaholunni en í öðru sæti var Ingi Rúnar Gíslason GKJ.

Andri Þór Björnsson GR hafnaði í þriðja sæti og Íslandsmeistarinn Axel Bóasson varð í fjórða sæti.

Atvinnumaðurinn Birgir Leifur Hafþórsson GKG datt út á fyrstu holu og náði því ekki að fylgja eftir árangri sínum frá því í fyrra þegar hann vann mótið.

Þetta er í fyrsta sinn sem heimamaðurinn Nökkvi vinnur einvígið á Nesinu.