Laxinn mættur í Lýsuna

Laxinn er mættur á vatnasvæði Lýsu, og að sögn heimamanna er útlitið mun betra heldur en undanfarin ár fyrir vestan.

Að sögn Gunnars Jónassonar á Lýsudal þá tilkynntu veiðimenn um stökkvandi laxa í Lýsuvatni í gærkveldi. Er það mun fyrr á ferðinni heldur en undanfarin sumur, en vötnin hafa orðið illa úti í þurrkum síðustu sumur.

Væntanlega má því búast við laxafréttum af vatnasvæðinu á komandi dögum.  Annars hefur verið mjög góð silungsveiði á svæðinu og hann betur haldinn heldur en oft áður.

Birt með góðfúslegu leyfi SVFR