Mercedes mætir með nýjungar á Silverstone

Formúlu 1 lið keppa á Silverstone um næstu helgi í níundu umferð heimsmeistaramótsins í Formúlu 1. Mercedes liðið er meðal þeirra liða sem verða á heimavelli. Bæði bílar og vélar liðsins eru framleiddar í Englandi, þó Mercedes merkið sé þýskt. Höfuðstöðvar Formúlu 1 liðs Mercedes eru í Brackley og vélarnar settar seman í Brixworth.

Silverstone er sögufræg braut og fyrsta mótið fór þar fram árið 1950, en brautin sem notuð er í dag er 27% lengri en upphaflega brautin. Brautin er 5.891 km að lengd. Michael Schumacher segir að liðið muni njóta stuðnings starfsmanna sinna á einum af heimvöllum liðsins og segir að það væri gaman að gera gert góða hluti í þakklætisskyni fyrir alla vinnuna sem liðsmenn hafa lagt á sig.

Það er erfitt að meta hvernig bíllinn hentar á brautina. Eins og venjulega munum við vita meira um það á föstudagsæfingum", sagði Schumacher í fréttatilkynningu frá Mercedes.

„Við erum að framleiða endurbætur og nýjar lausnir sem ég er viss um að munu hjálpa okkur að taka framfaraskref. Skilaboðin til okkar allra eru að setja undir okkur hausinn og leggja hart að okkur. Við eigum þessa afstöðu sameiginlega og ég er sannfærður að við munum ná því."

Nico Rosberg segir Silverstone svala braut, en hann varð í þriðja sæti á Silverstone brautinni í fyrra.

„Ég hlakka verulega til allra hröðu beygjanna, sérstaklega frá Copse, gegnum Becketts og að Stowe. Ég varð þriðji í fyrra og vonast eftir góðum úrslitum á ný. Sérstaklega af því að svo margir sem vinna í Brackley og Brixworth munu mæta með fjölskyldur sínar, sagði Rosberg.

„Þetta er annar af okkar heimavöllum og ég vil því standa mig vel fyrir framan okkar fólk. Við verðum með nýjungar og ég er forvitinn að vita hvernig þær munu reynast á bílnum. Vonandi getum við minnkað bilið í toppliðin líttillega", sagði Rosberg.