Laxinn mættur í Stóru Laxá

Freyr H. Guðmundsson skyggndi Klaufina á svæði 4 í Stóru Laxá núna í gær og sá a.m.k. tvo laxa sem báðir voru 2ja ára. Laxinn er því greinilega mættur í Stóru og má búast við skemmtilegri opnun þar á morgun.



Freyr og félagar hans munu verða í opnuninni og er hópurinn víst að verða spenntur. Freyr er mikill unnandi Stóru Laxár og segir að þó aflinn hjá sér hafi ekki verið mikill í gegnum tíðina þá sé það einstök upplifun að vera á bökkum árinnar. Þar komist menn í snertingu við æðri máttarvöld.

Einhverjir dagar eru lausir á svæði 4 í Stóru nú í byrjun júlí, en upplýsingar má finna á www.agn.is

Birt með góðfúslegu leyfi Lax-á