Alcoa í viðræðum um álver í Norður-Noregi 19. apríl 2011 11:26 Nýjar olíu- og gaslindir, sem fundist hafa í Barentshafi, auka líkur á að bandaríska álfyrirtækið Alcoa reisi nýtt álver í Norður-Noregi. Álverið myndi nýta raforku sem framleidd yrði með gasi. Ráðamenn Alcoa upplýstu um áhuga sinn á Norður-Noregi í fyrrasumar. Í viðtölum við norska fjölmiðla sögðust þeir vilja reisa 350 þúsund tonna álver, og nefndu að það yrði sambærilegt álveri Alcoa á Íslandi. Þeir sögðu Norður-Noreg henta sem staðsetningu vegna aðgangs sem gasraforkuver fengi að gasi úr Barentshafi. Viðræður eru hafnar milli ráðamanna Alcoa og sveitarstjórnarmanna á Finnmörku, sem tekið hafa verkefninu fagnandi, enda gefur það fyrirheit um 500 ný störf og 300 milljarða króna fjárfestingu í álveri og orkuveri. Hafnarbærinn Hammerfest er helst nefndur en þar skammt frá er gasvinnslustöð á eynni Mjallhvít. Innan ríkisstjórnar Noregs hefur hugmyndinni hins vegar verið tekið misjafnlega. Helga Pedersen, helsti leiðtogi Verkamannaflokksins í Norður-Noregi, systurflokks Samfylkingarinnar, kveðst mjög spennt fyrir álverinu. Umhverfisráðherrann Erik Solheim úr SV, systurflokki Vinstri grænna, leggst hins vegar gegn verkefninu þar sem hann vilji ekki sértækar aðgerðir fyrir bandarískan álframleiðanda til að mæta aukinni losun gróðurhúsalofttegunda. Bæjarstjórinn í Hammerfest segir á móti að það sé þversögn að flytja gasið í staðinn langan veg til Þýskalands, með tilheyrandi orkutapi, og láta koltvísýringinn þar út í andrúmsloftið því hann spyrji ekki um landamæri. Nær sé að nýta orkuna á heimaslóðum. Uppgötvun olíu- og gaslindarinnar stóru í Barentshafi í byrjun mánaðarins hefur nú hleypt nýju lífi í álversumræðuna í Norður-Noregi enda telja menn sig nú sjá að fallin séu þau rök að ekki fáist nægjanlegt gas í raforkuver fyrir álver. Alcoa hefur, sem kunnugt er, einnig verið í viðræðum um að reisa álver á Bakka við Húsavík. Mest lesið Færri íbúðir í byggingu en fyrir ári Viðskipti innlent „Við eigum margar rómantískar stundir í vinnunni“ Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Gengi Icelandair flaug upp á við Viðskipti innlent Vill laða að lágverðsverslun á Krókinn Viðskipti innlent Milljarður í arðgreiðslur hjá Toyota Viðskipti innlent Spá 7,5 prósent stýrivöxtum í lok 2025 Viðskipti innlent Ráðin markaðsstjóri Sensa Viðskipti innlent Langaði svakalega mikið í sleik við George Clooney Atvinnulíf Atvinnumissir: „Ég kunni nú ekki við að spyrja Jón beint“ Atvinnulíf Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Nýjar olíu- og gaslindir, sem fundist hafa í Barentshafi, auka líkur á að bandaríska álfyrirtækið Alcoa reisi nýtt álver í Norður-Noregi. Álverið myndi nýta raforku sem framleidd yrði með gasi. Ráðamenn Alcoa upplýstu um áhuga sinn á Norður-Noregi í fyrrasumar. Í viðtölum við norska fjölmiðla sögðust þeir vilja reisa 350 þúsund tonna álver, og nefndu að það yrði sambærilegt álveri Alcoa á Íslandi. Þeir sögðu Norður-Noreg henta sem staðsetningu vegna aðgangs sem gasraforkuver fengi að gasi úr Barentshafi. Viðræður eru hafnar milli ráðamanna Alcoa og sveitarstjórnarmanna á Finnmörku, sem tekið hafa verkefninu fagnandi, enda gefur það fyrirheit um 500 ný störf og 300 milljarða króna fjárfestingu í álveri og orkuveri. Hafnarbærinn Hammerfest er helst nefndur en þar skammt frá er gasvinnslustöð á eynni Mjallhvít. Innan ríkisstjórnar Noregs hefur hugmyndinni hins vegar verið tekið misjafnlega. Helga Pedersen, helsti leiðtogi Verkamannaflokksins í Norður-Noregi, systurflokks Samfylkingarinnar, kveðst mjög spennt fyrir álverinu. Umhverfisráðherrann Erik Solheim úr SV, systurflokki Vinstri grænna, leggst hins vegar gegn verkefninu þar sem hann vilji ekki sértækar aðgerðir fyrir bandarískan álframleiðanda til að mæta aukinni losun gróðurhúsalofttegunda. Bæjarstjórinn í Hammerfest segir á móti að það sé þversögn að flytja gasið í staðinn langan veg til Þýskalands, með tilheyrandi orkutapi, og láta koltvísýringinn þar út í andrúmsloftið því hann spyrji ekki um landamæri. Nær sé að nýta orkuna á heimaslóðum. Uppgötvun olíu- og gaslindarinnar stóru í Barentshafi í byrjun mánaðarins hefur nú hleypt nýju lífi í álversumræðuna í Norður-Noregi enda telja menn sig nú sjá að fallin séu þau rök að ekki fáist nægjanlegt gas í raforkuver fyrir álver. Alcoa hefur, sem kunnugt er, einnig verið í viðræðum um að reisa álver á Bakka við Húsavík.
Mest lesið Færri íbúðir í byggingu en fyrir ári Viðskipti innlent „Við eigum margar rómantískar stundir í vinnunni“ Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Gengi Icelandair flaug upp á við Viðskipti innlent Vill laða að lágverðsverslun á Krókinn Viðskipti innlent Milljarður í arðgreiðslur hjá Toyota Viðskipti innlent Spá 7,5 prósent stýrivöxtum í lok 2025 Viðskipti innlent Ráðin markaðsstjóri Sensa Viðskipti innlent Langaði svakalega mikið í sleik við George Clooney Atvinnulíf Atvinnumissir: „Ég kunni nú ekki við að spyrja Jón beint“ Atvinnulíf Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira