Golf

Masters: Mickelson bætir stöðu sína

Phil Mickelson, sem hefur titil að verja á mótinu, er á 3 höggum undir pari samtals að loknum 10 holum í dag en hann lék á 70 höggum í gær eða -2. Meistarinn er í 10. sæti þessa stundina ásamt fjölmörgum kylfingum.
Phil Mickelson, sem hefur titil að verja á mótinu, er á 3 höggum undir pari samtals að loknum 10 holum í dag en hann lék á 70 höggum í gær eða -2. Meistarinn er í 10. sæti þessa stundina ásamt fjölmörgum kylfingum. AP
Það lítur út fyrir að spennan verði mikil á Mastersmótinu í golfi á Augusta vellinum í Georgíu en keppni á öðrum keppnisdegi hófst um hádegi að íslenskum tíma og verður leikið fram undir miðnætti. Rory McIlroy frá Norður-Írlandi og Spánverjinn Alvaro Quiros voru efstir á 7 höggum undir pari eftir fyrsta hringinn og þeir hafa báðir hafið leik í dag. McIlroy hefur leikið 2 holur þegar þetta er skrifað og fékk hann fugl á 2. Braut og er hann því á 8 höggum undir pari líkt og KJ Choi frá Suður-Kóreu en hann er einnig á 8 höggum undir pari.

Phil Mickelson, sem hefur titil að verja á mótinu, er á 3 höggum undir pari samtals að loknum 10 holum í dag en hann lék á 70 höggum í gær eða -2. Meistarinn er í 10. sæti þessa stundina ásamt fjölmörgum kylfingum.

Tiger Woods hefur leik kl. 17.48 að íslenskum tíma en hann lék á 1 höggi undir pari í gær eða 71 höggi. Martin Kaymer frá Þýskalandi, sem er í efsta sæti heimslistans, lék afar illa í gær eða á 6 höggum yfir pari og hann þarf að leika gríðarlega vel í dag til þess að komast í gegnum niðurskurðinn. Lee Westwood er í ráshóp með Kaymer og þeir hófu leik kl. 17.26.



Golf

Tengdar fréttir

Masters: McIlroy vonast til þess að hafa lært af reynslunni

Rory McIlroy er ein "heitasta stjarnan“ í golfíþróttinni um þessar mundir og frægðarsól hans reis enn hærra í gær þegar Norður-Írinn tyllti sér í efsta sætið á Mastersmótinu á fyrsta keppnisdegi risamótsins. McIlroy, sem er aðeins 21 ár gamall lék á 7 höggum undir pari vallar eða 65 höggum og deilir hann efsta sætinu með Spánverjanum Alvaro Quiros.

Masters: Tiger er sex höggum á eftir efstu mönnum

Tiger Woods er bjartsýnn á að geta blandað sér í baráttuna um sigurinn á Mastersmótinu í golfi eftir að hafa leikið Augusta völlinn á einu höggi undir pari vallar á fyrsta keppnisdegi risamótsins. "Ég er aðeins sex höggum á eftir efstu mönnum og það er nóg eftir,“ sagði Woods í gær en hann hefur fallið hratt niður heimslistann að undanförnu og er hann í 7. sæti.

Masters: McIlroy og Quiros gáfu tóninn á Augusta

Rory McIlroy frá Norður-Írlandi og Spánverjinn Alvaro Quiros deila efsta sætinu að loknum fyrsta keppnisdegi á Mastersmótinu í golfi á Augustavellinum í Georgíu í Bandaríkjunum. Þeir léku báðir á 7 höggum undir pari eða 65 höggum á fyrsta risamóti ársins. Y.E Yang ig K.J. Choir eru þar á eftir á 5 höggum undir pari. Phil Mickelson hóf titilvörnina með því að leika á -2 eða 70 höggum og Tiger Woods er einu höggi þar á eftir.

Masters: Mickelson heiðraði Seve Ballesteros

Phil Mickelson sá um hátíðarkvöldverð á Augusta golfvellinum í gærkvöld þar sem að fyrrum sigurvegurum mótsins er boðið. Spánverjinn Seve Ballesteros, sem tvívegis hefur sigrað á mótinu, gat ekki mætt að þessu sinni vegna veikinda eftir erfiða meðferð vegna heilaæxlis. Mickelson tileinkaði Ballesteros kvölverðaboðið og var spænskur matur í hávegðum hafður.

Masters: Fyrrum þjálfari Tiger Woods segir að hann sé bitlaus

Butch Harmon fyrrum þjálfari Tiger Woods segir bandaríski kylfingurinn sé "bitlaus“ og hann eigi ekki eftir að bæta met Jack Nicklaus sem sigraði á 18 risamótum á ferlinum. Woods sigraði á 8 risamótum þegar Harmon var þjálfari hans en alls hefur Woods sigrað á 14 risamótum.

Mest lesið


Fleiri fréttir

Sjá meira


×

Mest lesið