Nonni Mæju: Ingi tók okkur á góðan fund

„Ingi Þór tók okkur á góðan fund fyrir leikinn þar sem hann fór í gegnum ýmis atriði sem vantaði í fyrstu tveimur leikjunum,“  sagði Jón Ólafur Jónsson leikmaður Snæfells eftir 87-73 sigur Íslandsmeistaraliðsins gegn Haukum í kvöld.

Nýliðar Hauka komu gríðarlega á óvart í fyrstu tveimur leikjunum í fyrstu umferð úrslitakeppninnar og deildarmeistararnir úr Stykkishólmi voru lengi að finna svörin gegn gríðarlega hægum sóknarleik Hauka. „Ingi sagði ýmislegt sem vakti okkur. Vanvirðing við „búninginn“ og andstæðingana. Það vantaði leikgleðin í okkar leik og við náðum að laga þetta í  kvöld,“  sagði „Nonni Mæju“.