Fabregas ætlar að ná úrslitaleiknum um helgina

Cesc Fabregas, fyrirliði Arsenal, ætlar að gera allt sem hann getur í þeirri von að hann fái loksins að leiða sitt lið út á völlinn í úrslitaleik en Arsenal spilar til úrslita í deildarbikarnum á sunnudag.

Fabregas haltraði af velli í leiknum gegn Stoke í gær og sömu leið fór Theo Walcott.

Arsenal hefur ekki unnið titil síðan árið 2005 og fær kærkomið tækifæri um helgina.

"Ég veit ekki hvort ég næ leiknum á sunnudag en ég mun leggja allt í sölurnar til þess að ná leiknum og jafnvel sleppa því að sofa ef svo ber undir," sagði Fabregas á Twitter-síðu sinni.