Guðjón: Stjórnuðum leiknum allan tíman

„Ég er virkilega ánægður með þennan leik hjá okkur og ég sá mikil batamerki á spilamennsku okkar," sagði Guðjón Skúlason, þjálfari Keflvíkinga, eftir sigurinn í gær.

Keflvíkingar voru með góð tök á leiknum allan tíman en KR-ingar komust til að mynda aldrei yfir.

„Við náðum að stýra leiknum nánast allan tíman en svo komu þeir sterki til baka í lokin. Við náðum að klára leikinn á vítalínunni í restina. Strákarnir voru í miklum vandræðum með útlendingin hjá þeim en náðu að verjast vel gegn öðrum leikmönnum og það skilaði okkur þessum sigri," sagði Guðjón.

Fyrir leikinn í kvöld hafði Keflavík náð að klófesta nýjan leikmann en Lazar Trifunovic var heldur betur mikilvægur fyrir heimamenn í kvöld.

„Þetta er mjög góður leikmaður og á eftir að koma enn sterkari til leiks fyrir okkur.Við erum orðnir virkilega vel mannaðir og ég er komin með þann hóp sem ég vildi í hendurnar, núna er bara að líta björtum augum á framtíðina og halda áfram þessari spilamennsku," sagði Guðjón Skúlason, þjálfari Keflvíkinga, sáttur eftir leikinn í kvöld.