Mourinho: Real eina félagið sem vill fá mig

Jose Mourinho segir að Real Madrid sé eina félagið sem vilji fá hann og gaf sterklega til kynna að hann væri á leið til Madrídar í sumar.

Samkvæmt heimildum fréttastofu Sky Sports mun samkomulag þess efnis þegar vera til staðar en því hefur Mourinho neitað.

„Þetta hefur verið ótrúlegt tímabil," sagði hann við Sky Sports. „Það eru ekki til mörg til að lýsa því hvernig mér líður núna. Ég er mjög glaður og afar stoltur en á sama tíma mjög sorgmæddur því þetta var nánast örugglega síðasti leikur minn með Inter."

„Inter var húsið mitt, alveg eins og hjá Chelsea. Það var erfitt að fara frá Chelsea og ef ég fer frá Inter þá verður það líka erfitt. En svona er lífið og fótboltinn."

„Ég átti ekki von á því að geta myndað aftur jafn gott samband við stuðningsmenn og ég gerði hjá Chelsea. Ég á tvö hús - Stamford Bridge og San Siro. Þriðja húsið verður líklega Santiago Bernabeu."

Hann var svo spurður hvað það væri við Real Madrid sem heillaði hann. „Það er eina félagið sem vill fá mig," sagði Mourinho.