Cristiano Ronaldo: Real Madrid verður besta liðið árið 2010

Cristiano Ronaldo var spenntur fyrir nýju ári þegar hann ræddi við spænska blaðið Marca á gamlársdag. Portúgalinn er sannfærður um að Real Mardir steypi Barcelona af pallinum sem besta fótboltalið heimsins.

„Real Madrid verður besta liðið árið 2010. Við verðum að hafa hungrið og hvatninguna til þess að vinna alla titla sem verða í boði," sagði Cristiano Ronaldo.

„Stuðningsmenn og leikmenn dreyma um að vinna Meistaradeildina. Í ár fer úrslitaleikurinn fram á Santiago Bernabeu svo þetta er einstakt tækifæri fyrir okkur," sagði Ronaldo.

„Það var stærsta upplifun mín á ferlinum þegar ég vann Meistaradeildina með Manchester United og við megum ekki missa af þessu frábæra tækifæri," sagði Cristiano Ronaldo.