Rooney grátbiður um að fá að spila á morgun

Bresku blöðin segja að Wayne Rooney hafi grátbeðið Sir Alex Ferguson um að fá að spila gegn Glasgow Rangers í Meistaradeildinni á morgun.

Rooney var tekinn út úr hópnum fyrir leikinn gegn Everton um helgina og sagði Ferguson ástæðuna vera þá að hann vildi ekki að Rooney þyrfti að upplifa viðbjóðinn sem viðbúið var að kæmi úr stúkunni.

Ekki eru allir sannfærðir um að það sé sátt go David Moyes, stjóri Everton, velti því upp hvort Ferguson hefði ekki hreinlega hent Rooney úr hópnum fyrir hegðun sína utan vallar. Hvort Ferguson sætti sig nokkuð við að leikmenn hans hegðuðu sér svona.

Moyes sagði líka allt eins líklegt að Rooney væri ekki í hópnum þar sem hann hefði ekki spilað vel í upphafi leiktíðar.

Það verður síðan áhugavert að sjá hvort Rooney fær að spila á morgun.