Nesta tæpur fyrir leikinn gegn Man. Utd í kvöld

Varnarmaðurinn Alessandro Nesta er í kapphlaupi að ná leiknum mikilvæga gegn Man. Utd í Meistaradeildinni í kvöld.

Nesta er meiddur og læknateymi Milan mun væntanlega vinna í honum alveg fram að leik í kvöld enda er Nesta liðinu afar mikilvægur.

Hann hefur spilað mjög vel í vetur og mikil pressa var á honum að snúa aftur í ítalska landsliðið. Hann hafði þó ekki áhuga á því.

United vann fyrri leik liðanna 3-2 og því á brattann að sækja hjá Milan á Old Trafford í kvöld.