Benzema hefur engan áhuga á að yfirgefa Real Madrid

Umboðsmaður franska framherjans, Karim Benzema, segir að framherjinn sé ekki á förum frá Real Madrid þrátt fyrir endalausar sögusagnir um annað.

Flestir fjölmiðlar búast við því að Benzema fari frá Real í janúar og er Ítalía talinn líklegur áfangastaður en bæði AC Milan og Juventus hafa áhuga á leikmanninum.

"Það er enn langt í janúar en Karim vill spila fyrir Real og mun ekki fara neitt," sagði umbinn.

"Það eru fimm ár eftir af samningi hans við Real Madrid og það er ekki nokkur leið að hann fari frá félaginu."