Ferrari komið í alvöru titilslag á ný

Stefano Domenicali, yfirmaður Ferrari telur að lið sitt sé nú komið fyrir alvöru í baráttu um meistaratitlanna í Formúlu 1 eftir að liðið náði fyrsta og þriðja sæti á heimavelli liðsins á Monza brautinni á Ítalíu. Alonso hefur minnkað bilið á milli sín og forystumanns stigamótsins, sem var Lewis Hamilton en er nú Mark Webber úr 41 stigi í 21. "Auðvitað erum við hamingjusamir að hafa náð þessum árangri fyrir framan landa okkar", sagði Domenicali í frétt á autosport.com. "Það var magnað að vera á verðlaunapallinum og finna stemmninguna, með mannhafið fyrir neðan og hafsjó af rauðum stuðningsmönnum, sem syngja þjóðsönginn." Domenicali segir að Ferrari hafi náð markmiði liðsins að minnka bilið í forystumennina. "Núna verður allt galopið til loka. Mótin hafa verið sérkennileg á þessu ári. Ef einhver gerir mistök eða lendir í ógöngum, þá stökkva keppinautarnir til og jafna leikinn. Það er mjög mikilvæg að sýna stöðugleika til loka og við sjáum hvað gerist í Abu Dhabi." Ferrari skákaði Jenson Button og McLaren eftir þjónustuhlé, en Domenicali telur að Ferrari hefði unnið, sama hvaða þjónustuáætlun hefði verið beitt, en Button tók hlé á undan Alonso. Martin Whitmarsh, yfirmaður McLaren samsinnti því. "Við töpuðum af fyrsta sætinu í ræsingunni og reyndum því að skilja hvað væri best fyrir okkur að gera í kappakstrinum til að komast framúr á ný. Við vorum nærri því að kalla Alonso inn í sama hring og Jenson. Reynsla okkar frá mótinu í Kanada kenndi okkur lexíu og Alonso ók góðan hring fyrir hlé. Hléið var fullkomið og það gerði gæfumuninn. Við náðum fyrsta sæti í stað öðru."