Stefán tryggði Viking jafntefli á móti Trömsö

Stefán Gíslason var mikilvægur norska liðinu Viking í kvöld þegar hann tryggði sínu nýja liði 1-1 jafntefli á móti Tromsö í norsku úrvalsdeildinni í fótbolta í kvöld.

Stefán skoraði markið sitt með skalla á 74. mínútu leiksins eftir að Tromsö hafði komist yfir tveimur mínútum fyrir hálfleik.

Stefán Gíslason lék allan leikinn eins og Indriði Sigurðsson. Stefán var á miðjunni en Indriði spilaði sem miðvörður.

Stefán Logi Magnússon hélt hreinu í marki Lilleström sem gerði markalaust jafntefli á útivelli á móti Kongsvinger. Björn Bergmann Sigurðsson kom inn á sem varamaður á 81. mínútu.

Árni Gautur Arason stóð allan tímann í marki Odd Grenland sem gerði 1-1 jafntefli við Start á útivelli.

Úrslitin í norsku úrvalsdeildinni í kvöld:

Start-Odd Grenland 1-1

Viking-Tromsö 1-1

Kongsvinger-Lillestrøm 0-0

Haugesund-Aalesund 2-1