Jessicu Biel langar að vera vonda stelpan

„Ég væri svo til í það að leika mjög vonda stelpu - það væri frábært!" segir Jessica Biel leikkona.

Jessica leikur í myndinni A-Team sem var nýlega frumsýnd hér á landi. Hún viðurkennir að hún sé orðin frekar örvæntingarfull og vilji breyta til. Hún vill prófa hlutverk sem eru meira örvandi og óvænt heldur en þau sem hún hefur hingað til tekið að sér.

„Ekki bara vonda stelpu heldur kannski frekar andlega truflaða stelpur eða jafnvel geðveika stelpu. Eitthvað sem er virkilega ögrandi og óvænt," segir Jessica.

Auk þess að vilja frekari ögrun er fegurðardísin æst í að sýna tónlistarhæfileika sína á hvíta tjaldinu eða jafnvel á sviði. Haft er eftir henni að hún hún vilji prófa blöndu tónlistar og bíómyndar. Hún telur að söngvamynd eða Broadway-sýning sé eitthvað fyrir hana.

Jessica er um þessar mundir að leikstýra stuttmynd sem hún hefur sjálf skrifað handritið að. Í framhaldi af því finnst henni hún tilbúin til að fara út í framleiðslu.

„Mér finnst viðskiptahliðin áhugaverð ásamt því að ég elska að skrifa, Þannig að ég hef mikinn áhuga á öllu sköpunarferlinu bak við verkin," sagði Jessica í viðtali við blaðið Daily Telegraph í Ástralíu.

- ls