Ekki sjálfgefið að Tiger komist í Ryder-liðið

Það er enn óvíst hvort Tiger Woods muni taka þátt í Ryder-keppninni í golfi.

Ekki er víst að Tiger hali inn nóg af stigum til þess að komast í liðið. Fyrirliði liðsins má þó velja fjóra aukalega í liðið.

Fyrirliði bandaríska liðsins er Corey Pavin og hann segir ekki sjálfgefið að Tiger fái eitt af þessum fjóru sætum.

Sjálfur hefur Tiger sagt að hann geti ekki hjálpað liðinu eins og hann sé að spila þessa dagana.

Bandaríski íþróttafréttamaðurinn Jim Gray segir Pavin hafa tjáð sér að hann muni alltaf velja Tiger í liðið en því hafnar Pavin.

Gray og Pavin rifust síðan harkalega eftir blaðamannafund í gær. Eiginkona Pavin tok viðtalið upp á símann sinn en þar segir Gray meðal annars við Pavin: "You are goin down."