Messi með þrennu í sigri Barcelona

Barcelona sigraði í kvöld Zaragoza 4-2 og fór Lionel Messi mikinn í liði Barcelona að venju. Messi fiskaði vítaspyrnu, skoraði þrjú mörk og þar á meðal eitt eftir glæsilegt einstaklingsframtak.

Zaragoza minnkaði muninn þegar fimm mínútur voru til leiksloka með marki frá Adrian Colunga. Hann var svo aftur á ferðinni stuttu síðar er hann slapp í gegn og skoraði framhjá Victor Valdes í markinu.

Barcelona brunuðu fram í sókn. Lionel Messi dansaði með boltann innan teigs,var sparkaður niður í kjölfarið og vítaspyrna dæmd. Zlatan Ibrahimovic fór á punktinn og skoraði örugglega og tryggði þar með dýrmæt stig fyrir Barcelona í titilbaráttunni á spáni.

Barcelona hafa nú jafnað Real Madrid á stigum en bæði lið eru nú með 68 stig á toppi spænsku deildarinnar.