Annar sigur Webbers í röð

Ástralinn Mark Webber vann góðan og öruggan sigur í Formúlu 1 mótinu í Mónakó í dag á Red Bull. Hann kom á undan liðsfélaga sínum Sebastian Vettel, en Webber vann á Spáni um síðustu helgi.

Robert Kubica á Renault varð þriðji, eftir að hafa misst Vettel framúr sér í rásmarkinu. Hann náði ekki að vinna sætið tilbaka, en varð á undan Felipe Massa á Ferrari, en Vettel, Kubica og Massa óku í þéttum hóp undoir lokin.

Kalla þurfti öryggisbílinn margoft út vegna óhappa í brautinni, en engin meiðsl urðu á mönnum. Bæði Nico Hulkenberg og Rubens Barrichello klesstu bíla sína á mikilli ferð. Þá keyrði Jarno Trulli upp á bíl nýliðans Karun Chandok í blálok mótsins, en báðir sluppu með skrekkin.

Michael Schumacher stakk sér framúr Fernando Alonso í blálokin þegar keppnin var endurræst og keppendur óku í endamark stuttan spöl. Ferrari stjórinn Stefano Domenicali var ekki sáttur og dómarar skoðuðu atvikið eitthvað eftir keppni, en stigin stóðu í það minnsta þegar úrslit voru tilkynnt og Schumacher skráður á undan Alonso.

Alonso var að mörgu leyti maður mótsins, eftir að hafa ræst af stað úr 24 sæti og lokið keppni í því sjöunda.

Lokastaðan

1. Webber Red Bull-Renault 1:50:00.000

2. Vettel Red Bull-Renault + 0.448

3. Kubica Renault + 1.600

4. Massa Ferrari + 2.600

5. Hamilton McLaren-Mercedes + 4.300

6. Schumacher Mercedes + 5.700

7. Alonso Ferrari + 6.300

8. Rosberg Mercedes + 6.600

9. Sutil Force India-Mercedes + 6.900

10. Liuzzi Force India-Mercedes + 7.300

Stigin í stigamótinu

1. Webber 78 1. Red Bull-Renault 156

2. Vettel 78 2. Ferrari 134

3. Alonso 73 3. McLaren-Mercedes 129

4. Button 70 4. Mercedes 84

5. Massa 61 5. Renault 65

6. Hamilton 59 6. Force India-Mercedes 27

7. Kubica 59 7. Williams-Cosworth 8

8. Rosberg 54 8. Toro Rosso-Ferrari 3