Birgir Leifur í 7.-8. sæti - enn í fínum málum

Birgir Leifur Hafþórsson er enn í góðum málum á úrtökumóti fyrir Evrópumótaröðina í golf sem fer fram á Spáni.

Birgir Leifur lék á 70 höggum í dag og er samtals á tveimur höggum undir pari eftir fyrstu þrjá keppnisdagana. Hann er í 7.-8. sæti en efstu 20 keppendurnir komast á sjálft lokamótið úrtökumótaröðinni.

Síðasti hringurinn fer fram á morgun og á Birgir Leifur rástíma klukkan 9.20 í fyrramálið.

Efsti maður fyrir lokahringinn er Ástralinn Wade Ormsby sem hefur leikið á sjö höggum undir pari.